A plataforma experimental, a 10 quilómetros da costa, permite evacuar a enerxía producida no parque a través da subestación eléctrica do polígono industrial de Sabón (Arteixo), favorecendo así a súa interconexión a terra.

Atópase nun fondo mariño areoso, tanto dentro da poligonal da área experimental como no corredor para a liña de evacuación eléctrica, favorecendo as ancoraxes, as conexións eléctricas e o percorrido do cable de evacuación.

Contará cunha infraestrutura en terra destinada a albergar os posibles traballos técnicos de oficina, almacén, taller, zona de reunións, etc.

Respecta as actividades económicas tradicionais e sustentables que se realizan na súa contorna, como a pesca.

ENTIDADES PROMOTORAS

• Xunta de Galicia
• Autoridade Portuaria da Coruña
• Rede Eléctrica de España
• Outros socios tecnolóxicos e empresariais

OBXECTIVOS

• Potenciación da tecnoloxía eólica mariña flotante en Galicia
• Xeración e divulgación de coñecemento sobre as enerxías mariñas
• Elaboración de estudos sobre o medio mariño e a biodiversidade
• Atracción de empresas referentes no sector
• Creación de novas oportunidades empresariais e laborais na industria galega
• Desenvolvemento dun ecosistema de innovación en torno á eólica mariña

FINANCIAMENTO

• 12M €
• Captación de fondos europeos

LOCALIZACIÓN

A zona experimental de eólica offshore está situada no océano Atlántico, a 10 quilómetros da costa fronte ao Porto Exterior da Coruña.