A propiedade industrial é un conxunto de dereitos exclusivos que protexen tanto a actividade innovadora manifestada en novos produtos, novos procedementos ou novos deseños, como a actividade mercantil, mediante a identificación en exclusiva de produtos e servizos ofrecidos no mercado. O Segapi ofreceralle información sobre cuestións relacionadas coa propiedade Industrial:

• Información sobre o contido e normativa das diferentes modalidades de propiedade industrial.
• Información sobre a busca de antecedentes de signos distintivos rexistrados para valorar a posibilidade de obter novos signos.
• Información sobre a busca da situación xurídica de todos os expedientes tramitados pola OEPM.
• Información orientadora sobre a modalidade idónea de rexistro.
• Entrega de impresos normalizados e información para a súa correcta cobertura.
• Información sobre trámites, requisitos, prazos e taxas para a obtención da protección rexistral.
• Información sobre o mantemento dos dereitos de propiedade industrial: pagos e renovacións.
• Información sobre actuacións administrativas: transmisión ou cesión de dereitos.
• Información sobre procedementos internacionais de rexistro.
• Reprodución dos documentos completos de patentes nacionais e estranxeiras.
• Información sobre as buscas retrospectivas de invencións e deseños.
• Información sobre os informes tecnolóxicos de patentes.

O Segapi é unha unidade da Dirección Xeral de Estratexia Industrial e Solo Empresarial dentro do Servizo de Administración Industrial (Segapi), dependente da Subdirección Xeral de Administración e Seguridade Industrial.