O Consello Galego de Seguridade e Saúde Laboral é o órgano colexiado asesor da Administración pública na formulación das políticas de prevención e o órgano de participación institucional en materia de seguridade e saúde no traballo.

Composición

Ten unha composición paritaria tripartita con representación da Administración, das organizacións sindicais e empresariais de Galicia.

Funcións

• Coñecer as actuacións que desenvolva a Administración pública en materia de prevención de riscos laborais.
• Informar e formular propostas, especificamente no que se refire a:
  • Criterios e programas de actuación.
  • Proxectos de disposicións de carácter xeral.
  • Plans, programas e proxectos en materia de prevención de riscos laborais que lle sexan remitidos pola Secretaría Xeral de Emprego.
  • Coordinación entre as administracións públicas competentes en materia laboral, sanitaria e de industria.