A Iniciativa Estratéxica nace coa ambición de aproveitar as oportunidades que o novo contexto ofrece ás entidades galegas, xerando oportunidades profesionais tanto presentes como futuras para a mocidade galega, e convertendo estes sectores nunha panca crave para o crecemento económico e a mellora das condicións de vida na rexión. Neste marco, a Consellería de Economía e Industria, en colaboración co ecosistema galego do sector e expertos na materia, elaborou a Estratexia 2025-2030. Esta estratexia identifica obxectivos, programas de investimento e actuacións concretas que serán impulsados pola Xunta de Galicia, co fin de que a comunidade continúe liderando as políticas de apoio a este sector en España. Os obxectivos para o próximos cinco anos son: 

• Impulsar o crecemento das empresas que forman parte do ecosistema galego de aeroespacio, seguridade e defensa.
• Fomentar a diversificación das empresas, para que poidan ofrecer os seus produtos e servizos nos sectores aeroespacial, de seguridade e de defensa. 
• Materializar novos investimentos industriais e promover a transformación sectorial que facilite a entrada de novas empresas no sector.
• Reforzar as capacidades produtivas territoriais de Galicia neste ámbito, incluíndo o acceso ao capital, as infraestruturas e a dispoñibilidade de persoal cualificado. 
• Liderar as novas políticas industriais a nivel nacional, consolidando o posicionamento da Xunta de Galicia como un goberno emprendedor e exemplar no impulso da colaboración público-privada. 

Documentos

• Iniciativa Estratéxica (GAL)
• Iniciativa Estratégica (CAS)
• Strategic Initiative (EN)

• Resumo Executivo (GAL)
• Resumen Ejecutivo (CAS)
• Executive Summary (EN) 

Co obxectivo de coñecer as necesidades concretas a curto, medio e longo prazo das empresas que forman o ecosistema rexional, para aliñar os instrumentos de investimento da Iniciativa coas necesidades do ecosistema, exponse o desenvolvemento dun diálogo estratéxico coa industria.

É un Instrumento innovador, pioneiro en España, para impulsar o desenvolvemento industrial desde o Goberno rexional, escoitando os plans de investimento e necesidades de apoio por parte da industria e tendo en conta a súa visión na execución da iniciativa estratéxica. 

Os obxectivos do diálogo estratéxico son:

• Establecer unha canle de comunicación formal e a longo prazo cos actores da industria con capacidade real de investimento en Galicia
• Coñecer de primeira man os investimentos futuros destes actores, así como as súas necesidades de apoio por parte do Goberno rexional
• Validar coas empresas o seu interese nos instrumentos identificados no plan estratéxico para cada actor da industria, así como a súa pertinencia para mobilizar os investimentos en Galicia 

O diálogo estratéxico sobre o futuro do aeroespazo, a seguridade e a defensa, posto en marcha pola Consellería de Economía e Industria, é un novo foro que ten como obxectivo configurar unha visión compartida destes ámbitos.

O diálogo estratéxico reúne as principais partes interesadas de toda a cadea co fin de solicitar información crave das empresas interesadas en participar sobre as súas actividades, plans de investimento e necesidades estratéxicas en Galicia, co fin de orientar as políticas de apoio e cooperación do goberno galego.

Para participar no diálogo estratéxico é necesario cubrir este cuestionario e remitilo a.........  antes do XX/XX/2025.